Lanpostua: Kamioi-garabia

Deskribapena

Pertsonak 2 m-ra edo hortik gora dauden zulo, irekigune eta abarretik erortzea hartzen du barnean.

Prebentzio-neurriak

• Kabinan sartzeko, helduleku eta eskailera-maila ez-labainkorra edukitzea.
• Ibilbide-amaierako segurtasun-topeak edukitzea ebaketen ertzen aurrean, hala nola ezpondetan, lubetetan eta abarretan.
• Makinatik zuzenean ez jauzi egitea, larrialdia ez bada.
• Inoiz ez jaistea kaxatik edo kargatik salto eginez.
• Zapaten zoletan lohia edo koipea baduzu, garbi ezazu makinara igo baino lehen.
• Ez igo kamioien kaxara; eska iezaiozu norbaiti eskuko eskailerak emateko.
• Segurtasun-oinetako ez-labainkorrak.
• Kabinetarako sarbideetako lohia, koipea eta olioa garbitzea.
• Inor ez garraiatzea kabinatik kanpo.
• Debekatuta dago kamioiaren kaxan inor garraiatzea.
• Hondeaketen ertzetik 2 metrora baino gutxiagora hurbiltzen bazara, blinda ezazu hondeaketa eta jar itzazu kamioiaren hurbilketa-amaierako tope sendoak.
• Ibilgailuarekin ez ibiltzea edo ez aparkatzea hondeaketen ertzetik 2 metrora baino gutxiagora.
• Debekatuta dago garabi-besoan barrena ibiltzea.
• Debekatuta dago inor garabiko kakotik zintzilikatzea.
• Debekatuta dago kaxaren alboetara igotzea karga-lanak egiten diren bitartean.
• Ez zaitez makinara sar gurpiletan gora eginez.

Deskribapena

 Objetuak erortzea hartzen du barnean, biltegiratutako gauzek behea jo dutelako edo egitura-elementuek lur jo dutelako.

Arriskuaren prebentziorako neurriak

• Ibilgailuen kabinak objektuen erorketen kontra babestuta egongo dira (FOX).
• Zubiak igarotzean ziurta ezazu behar adinako erresistentzia duela makinari karga eta guzti eusteko.
• Kamioitik irteten zarenean, erabil ezazu babes-kaskoa.

Deskribapena

 Materialak nahiz erremintak manipulatzearen ondorioz objektuak erortzea hartzen du barnean.

Arriskuaren prebentziorako neurriak

• Eduki ezazu karga bistan.
• Kamioiko kabinatik irteten bazara, erabil ezazu beti segurtasun-kaskoa.
• Jaso ezazu karga bakarra aldi bakoitzean.
• Egiaztatu kako guztiek segurtasun-kisketa dutela eta karga-lanak egiten diren bitartean kisketak jarrita daudela.
• Egiazta ezazu aldian behin eslingak, estropuak eta aparailuak ez daudela hondatuta.
• Karga jaso baino lehen, egiazta itzazu fabrikatzailearen taulak kargaren pisuaren eta besoaren gehieneko luzapen-distantziaren arabera, eta ez itzazu inoiz gaindi.
• Ez ezazu inoiz utz garabia karga bat esekita duela.
• Ez pasatu garabiaren besoa, kargatuta dagoela edo kargarik gabe, langileen gainetik.
• Karga gidatzeko lanak gida-soka seguruak erabiliz beteko dira.
• Ikuspenik gabeko maniobrak seinalegile batek zuzenduta egingo dira.
• Ez ezazu gaindi inoiz garabiaren kakoaren karga-ahalmena.

Deskribapena

 Karga esekiak jasotzearen ondorioz aska litezkeen objektuak erortzea hartzen du barnean.

Arriskuaren prebentziorako neurriak

• Kamioitik irteten zarenean, erabil ezazu babes-kaskoa.
• Ez kargatzea baimendutako gehienekoa baino karga handiagorik.

Deskribapena

Biltegiratutako objektuen, erreminten edo pasabideetan dauden erreminten gainean zapaltzearen ondoriozkoak hartzen ditu barnean.

Arriskuaren prebentziorako neurriak

• Segurtasun-oinetakoak erabiltzea.

Deskribapena

Geldirik dauden objektuen kontrako talkak hartzen ditu barnean, besteak beste biltegiratutako objektuen, ibilgailuen eta makinen kontrakoak.

Arriskuaren prebentziorako neurriak

• Lan-eremua hesituta eta seinalizatuta egongo da.
• Toki estuetan, eskatu seinalgile baten laguntza.
• Gidatzen ari zarela pneumatiko bat lehertu eta noranzkoa galtzen baduzu, euts iezaziozu bolanteari kamioiak hartzen duen noranzkoan.
• Martxan zoazlea balaztak huts egiten badizu, sar itzazu gurpilak lur bigunetan kontu handiz.